ശ്രീനഗര്‍ ഭീകരാക്രമണം: നാല് സൈനികര്‍ കൊല്ലപ്പെട്ടു
ശ്രീനഗറിന് സമീപം സൈനിക വാഹന വ്യൂഹത്തിന് നേരെ നടന്ന ഭീകരാക്രമണത്തില്‍ നാല് സൈനികര്‍ കൊല്ലപ്പെട്ടു. അപകടത്തില്‍ ഏഴ് പേര്‍ക്ക് പരിക്കേറ്റിട്ടുണ്ടെന്നാണ് ലഭിക്കുന്ന പ്രാഥമിക വിവരം. ആക്രമണം നടത്തിയവരില്‍ ഒരു ഭീകരന്‍ പിടിയിലായിട്ടുണ്ട്.
ശ്രീനഗറിന് സമീപം സൈനിക വാഹന വ്യൂഹത്തിന് നേരെ ഭീകരാക്രമണം. അരമണിക്കൂറോളം സൈനികര്‍ക്കുനേരെ തീവ്രവാദികള്‍ വെടിയുതിര്‍ത്തു.
ബാരമുള്ള ഹൈവേയില്‍ ഹൈന്ദര്‍പുരിയിലാണ് ഏറ്റുമുട്ടലുണ്ടായത്. ശ്രീനഗറിന്റെ പ്രാന്തപ്രദേശമായ ഇവിടെ ഒരാഴ്ച്ചക്കിടെ നടക്കുന്ന രണ്ടാമത്തെ ആക്രമണമാണിത്. അരമണിക്കൂറോളം സൈനികര്‍ക്കുനേരെ തീവ്രവാദികള്‍ വെടിയുതിര്‍ത്തു. ഒടുവില്‍ റിപ്പോര്‍ട്ടു കിട്ടുമ്പോള്‍ ഏറ്റുമുട്ടല്‍ തുടരുകയാണ്
പ്രധാനമന്ത്രി നാളെ ശ്രീനഗര്‍ സന്ദര്‍ശിക്കാനിരിക്കേയാണ് ആക്രമണം. പ്രധാനമന്ത്രിയുടെ സന്ദര്‍ശനം പ്രമാണിച്ച് കനത്ത സുരക്ഷാമുന്‍കരുതലുകളാണ് ശ്രീനഗറില്‍ ഏര്‍പ്പെടുത്തിയിരുന്നു. ഈ സുരക്ഷാ മുന്‍കരുതലുകളെ മറികടന്നാണ് തീവ്രവാദി ആക്രമണമുണ്ടായത്. ആക്രമണത്തിന്റെ ഉത്തരവാദിത്വം ഹിസ്ബുള്‍ മുജാഹിദീന്‍ ഏറ്റെടുത്തു.
No comments:
Post a Comment
See More